ماهو تعدين البيتكوين العملات الالكترونية وكيفية الربح منها - القيصر نيوز
الرئيسية / الربح من الانترنت / ماهو تعدين البيتكوين العملات الالكترونية وكيفية الربح منها

ماهو تعدين البيتكوين العملات الالكترونية وكيفية الربح منها

س : ماهو تعدين البيتكوين bitcoin ؟
ج : يوجد طريقتين لـ تعدين البيتكوين
1 – تعدين بكروت شاشة / 2- تعدين باجهزة ASIC .

س : كيف يتم التعدين عن طريق كروت الشاشة ؟
ج : جهاز كمبيوتر عادى خالص وبنحط فيه عدد من كروت الشاشة نقدر نبدا بكارت ونوصل ل 8 على جهاز واحد وبتشغل الجهاز لمراقبة شبكة عملة رقمية وعمليات ارسال واستقبال العملة وبتاخد اجزاء من العملة مقابل ده .

س : يعني ايه عملات رقمية ؟
ج : العملات الرقمية او بتسمى العملات المشفرة هي بديلة عن العملات الورقية وبتتميز بسهولة التعامل بيها وسرعة نقلها ودرجة التشفير والحماية العالية ، بمعني انها مستحيل تتزور او تتكرر ، وحاليا بيتعامل بيها الملايين في العالم وآلاف مواقع الاستثمار والبيع والشراء والفنادق والمطاعم وخدمات تانية كتير .

س : اعمل جهاز تعدين البيتكوين ازاى ؟
ج : هنجمع بورده وبروسيسور ورامات وهارد وعليهم عدد كروت الشاشة ورايزرات لتشغيلهم .

 

 

 

ماهو تعدين البيتكوين العملات الالكترونية
س : مش معايا مبلغ كبير اعمل بيه جهاز كامل ينفع اعدن ؟
ج : ممكن طبعا هتجيب كارت واحد وباور نوع نظيف طبعا ونشتغل على جهازك العادى

س : ينفع لابتوب او كارت شاشة عندي ؟
ج: لا لازم كمبيوتر عادى وكروت شاشة معينة علشان يبقى في عائد والا هتبقى بتضيع وقتك وبتموت جهازك .

س : بعد ما هجيب الجهاز هعمل ايه ؟
ج : هتنزل ويندوز 10 وتعرف الكروت وتنزل برنامج التعدين وبتشغله وبتسيب الجهاز شغال اتوماتيك مالكش علاقه بيه وتعمل محفظة تربطها بالبرنامج علشان تقبض عليها .

س : هل الموضوع فيه نصب او خسارة ؟
ج : لا مفيش نهائيا لان ده جهاز كمبيوتر عادى جدا اسوء الاحوال لو حبيت تخرج من المشروع هتبيعه كامل او هتبيعه قطعة قطعة وهتمسك فلوسك تانى .

س : ايه تكلفة جهاز تعدين البيتكوين ارباحه كام ؟
ج : جهاز تعدين ب 6 كروت شاشة بمواصفات حديثة يتكلف 50-55 الف جنيه فرق حاجات بسيطة والارباح حاليا فى وقت كتابة البوست 500 دولار هنقول الادنى 450 يعنى 9 الاف جنيه هتخصم منهم 1000 كهربا وخلافه يبقى الربح صافى 8000 جنيه
يعنى هتجيب ثمن جهازك فى 6 شهور والباقى ليك باذن الله

س : اقل تكلفة للمشروع كام ؟
ج : اكيد كارت واحد تكلفته هتبقى 6500-7000 جنيه وارباحه 60 دولار شهري وكهربا 100 جنيه ده فى حالة انك هتركبه على جهازك لو هتشترى جهاز مخصوص هات جهاز استيراد بالف جنيه وباور تقريبا الف كمان يعنى اقل تكلفة هتوصل ل 10 الاف جنيه

س : الارباح هاخدها ازاى ؟ وهسحبها فى ايدى ازاى ؟
ج : الارباح هتاخدها عملتك اللى بتعدنها ايا كان ايثر او كلاسيك او اى عملة . عايزها ارباح فى ايدى هتبيعها لاى وسيط ( كلمنى هبيعهملك لاى حد والجروب هنا او جروبات وسطاء كتير )

س : العمر الافتراضى للكروت ايه ؟
ج : 3 سنين

س: هل محتاج تكييف او مروحة لجهاز التعدين ؟ وهل صوته مزعج ؟
ج : هتحتاج تهوية مناسبة ومروحة او تكييف لجهازك في ايام الحر الشديد وانا بتحكم في كهربا وحرارة الكروت بحيث بقلل من الحرارة واستهلاك الكهرباء والكروت فيها مروحة وفيه حماية في حالة ارتفعت درجة حرارته وصوت جهاز التعدين بكروت الشاشة زي صوت المروحة العادية علي اقل درجة .

س : هل بحتاج حد يركبلي جهازي ويشغلهولي او ممكن اعمل ده بنفسي ؟
ج : لو عندك خلفية في تركيب اجهزة الكمبيوتر هتقدر تركب جهازك بسهولة ، لكن لازم تشتغل بتوجيهات مهندس يفهم في توزيع الاحمال والاسلاك علشان جهازك يستحمل الشغل ويعيش ، وبعد تركيب جهازك محتاج كمان تضبط كروت الشاشة علي افضل اعدادات علشان تجيبلك اعلى عائد وارباح باقل استهلاك كهربا واقل حرارة

س : اقدر اشترى جهاز تعدين البيتكوين منين ؟
ج : تقدر تشترىه من اى محل كمبيوتر بس تاخدلك لفة علشان كل محل بيبيع قطعة معينة مفيش حد بيبيع الجهاز كامل على بعضه ولا بيركبه

س : هل تقدر تجمعلى جهاز واخده منك راكب على التشغيل فورى ؟
ج : ان شاء الله هتكلمنى نظبط الدنيا ونشوف ميزانيتك ونجيب جهاز مناسبك وهبقى معاك فى الدعم فى اى وقت

س : هل بيحتاج منى متابعة او وقت كبير لانى مشغول ومش فاضى ؟
ج : الجهاز شغال 24 ساعة لوحده مالكش علاقة بيه او هتيجى جمبه . اول يومين الجهاز هيستقر وهتنساه ان شاء الله
لو حد عنده سؤال تانى يقدر يسئل وهجاوبه واضيفها

اليكم فيديو شرح تعدين البيتكوين

نقلا عن  Obaida Alsayed

 

عن memy noaman

اترك تعليقاً

لن يتم نشر عنوان بريدك الإلكتروني.