الرئيسية / الإنتاج الزراعي والحيواني / بورصة الدواجن / تعرف على اشهر امراض الدجاج و طرق العلاج

تعرف على اشهر امراض الدجاج و طرق العلاج

امراض الدجاج يمثل الدجاج مصدر غذائى مهم فى الكثير من الاسر المصريه التى لا تستطيع تكاليف تناول اللحوم الحمراء بشكل مستمر لذا تسعى الطثير من تلك الاسر الى تربيه الدجاج بالمنزل وخاصه فى المناطق الريفيه للاستفاده منه فى عمليه الحصول على البروتين من اللحوم الخاصه به او من البيض الذى ينتجه ولكن تتعرض فى كثير من الاحيان الى العديد من الامراض التى تصيبها و تؤثر على صحتها و على انتاجها للبيض وكذلك قد تؤدى الى موتها و الخطير فى هذه الامراض انها قد تحدث فجأه دون اى اعراض او مؤشرات سابقه تدل على وجود مرض كما انها تنتشر بسرعه هائله قد تؤدى بحياه الجميع وتكون فى هذه الحاله صعوبه السيطره على المرض و الحد من انتشاره

حيث تتنوع الامراض التى تصيبها من امراض فيروسيه او بكتريا او فطريه او طفيليه وسوف نطرح هنا بعض الامراض كمثال لها ولطرق علاجها نظرا لكثره هذه الامراض وهى :

مرض انفلونزا الطيور :

اصبح هذا المرض اكثر انتشارا فى الفتره الاخيره وهو يعتبر مرض فيروسى يسببه فيرس A الذى يحتوى على 144 نوع من الامصال المختلفه حيث يصيب الفيرس كل انواع الطيور كما انه يصيب كل من الانسان و الحيوان و بعض انواع الثديات المختلفه وتختلف نسبه الموت فى المزارع حسب قوة و نوع الفيرس بالاضافه الى ذلك ان هذا الفيروس لا يموت بتجمد الدجاج بل يسقى تأثيره الى ما لا نهايه كما انه يفرز من افرازات اللعاب للطيور كما انه ينتقل بسهوله كبيره جدا فاذا لم يتم التخلص من الدجاج المريض و المصاب فسوف تعدى باقى الدجاجات

اعراض انفلونزا الطيور :

1- الكسل و الخمول وعدم وجود شهيه للطعام

2- قله انتاج البيض

3- وجود ازرقاق فى الارجل و العرف

4- اخراج افرازات انفيه مدمعه

5- انتاج البيض المشوه

العلاج و الوقايه منه :

يعتبر هذا المرض الفيروسى ليس له اى علاج مجدد كما ان يمكن مكافحته فى الفيرس الطفيف وذلك عن طريق التغذيه الجيده و التطهير المستمر للمكان اضافه الى استخدام اللقحات التى تصرح بها وزاره الزراعه

تختلف الامراض و تتنوع من حيث :

امراض فيروسيه :

مثل مرض الجدرى و مرض الجمبورو و مرض التهاب الشعب الهوائيه المعدى

امراض بكتيريه :

مثل الاصابه كوليرا الطيور ومرض الزكام المعدى و مرض التنفسى المزمن ومرض الاصابه بميكروبات السالمونيلا

امراض فطريه :

مثل مرض القلاع و مرض القراع و مرض التسمم الفطرى

امراض طفيليه :

مثل مرض الاصابه باديدان الشرطيه و مرض الاصابه بالديدان الاسطوانيه ومرض الاصابه بالحشرات الخارجيه مثل القمل و الحلم

امراض تسببها سوء التغذيه :

مثل نقص فيتامينات مثل فيتامين A , B , H, K المركب

نقص الاملاح المعدنيه مثل نقص الكالسيوم و الزنك و الفسفور

 

لاحظنا اقبال من كل الاعضاء سواء المختصين او المربين على بوستات الفارما
مما شجعنا نكمل نفس النوعية من البوستات دى
انا اسف جدا على الاطالة بس حبيت نلم بالموضوع من كل جوانبة
الاخوة المربين اخر سطور تهمكم
المرة دى هنتكلم عن علاقة الادوية ببعضها او drug interaction
طبعا فية ادوية بتتفاعل مع بعض خارج الجسم وادوية لها تاثير او تفاعل داخل الجسم
هناخد بحث علمى بولاندى معمول فى قسم الفارما والسموم عندهم
البحث عن علاقة الانروفلوكساسين ب الدوكسى
انا مش عاوز اطول معاهم فى تفاصيل البحث لاننا عاوزين نروح لمصادر علمية اخرى علشان نغطى الموضوع دا كلة
المهم
البحث بيقول ان الانرو حتى لو بكمية بسيطة بياخر خروج الدوكسى من الجسم
وبيزود تركيزة فى بعض الاعضاء
يعنى حضرتك لو استقبلت على انرو واعطيت دوكسى بعدها بفترة الدوكسى تاثيرة بيمتد فترة اطول داخل الجسم
طيب دى لها ميزة ولها عيب
الميزة شغل اكثر ومدة اطول للدوكسى
العيب انها بتغير فترة سحب الدوا من الجسم
يعنى لو حضرتك حاطط فى اعتبارك ان الدوكسى يخرج من الجسم بعد 5 ايام
فلازم مش اعالج بية قبل البيع ب 5 ايام
فى حالة ان حضرتك اشتغلت بانروفلوكساسين المدة دى بتمتد شوية
تصل الى 8 ايام
ودا مهم للاخوة اللى شغالين فى السعودية وبيسلمو فراخم لشركات بتحلل اللحم من الادوية
طيب عاوزين نفهم اية اللى عملو الانروفلوكساسين واثر كدا على فارما الدوكسى
؟؟؟؟؟؟؟؟؟؟؟؟
كل ما فى الموضوع ان الانرو عمل تثبيط لانزيم فى الكبد اسمة
سيتوكروم P450 الانزيم دا هو المسؤال عن تكسير واخراج بعض الادوية ومنهم الدوكسى
طبعا اللى يسرى على الانروفلوكساسين يسرى على السيبروفلوكساسين فى تاثيرة على الانزيم دا
ركز فى اسم الانزيم دا لانة طلعة بلوى كبيرة هنعرفة بعدين
تعالى نسيب البحث دا ونشوف مكان تانى هل موافق على نفس الكلام ام لا
هنلاقى بحث تانى مصدرة كلية الزراعة قسم البيطرى والسموم فى الصين
عنوان البحث على تاثير عيلة الفلوروكينولونز على الانزيم دا
طبعا الصينين بيقولو ان كل العيلة لها تاثير سواء الانرو او السيبرو او النورفلوكاسين
فقط الsarafloxacin, مش بياثر على الانزيم دا
طيب يعنى معنى كدا ان الادوية السابقة بطول مفعول الدوكسى فى الجسم وبتاخر اخراجة وبتزود فترة السحب بتاعتة من الجسم
كدا خلصنا بحثين لهم نفس الكلام
طيب
اية قصة الانزيم اللى بيكسر الادوية فى الكبد دا اللى اسمة سيتوكروم P450
لما قرانا عنة فى كتاب فارماكوبيا اوربى
لقيناة موجود فى الانسان والدواجن
بس خلينا فى الدواجن
الانزيم الكبدى دا وجودة او كميتة فى الكبد متوقفة على العمر
وللما رحنا نشوف شركة روس قايلة اية علية لقينا انهم عاملين تحليل لكل انزيمات الكبد وهو بيعملو تهجين لسلالة Ross 708
وبيقولو ان اعلى تركيز للانزيم دا بيكون عمر يوم
وبيقل بعد كدا
وبيكون عمر اسبوع ضعف كميتة عمر 28 يوم
طيب لية احنا مهتمين بالانزيم الكبدى دا
وبنبحث فى اكثر من مصدر على شغلة
؟؟؟؟؟؟
لانة طلع اهم انزيم فى زيادة الاصابة بالسموم
يا راجل
طيب ازاى؟
هنا فتحنا مجلة اسمها الجمعية الامريكية للتغذية American Society for Nutrition نبحث عن دور الانزيم دا وعلاقتة بالسموم وخاصة الافلاتوكسين اللى هو AFB1
لقينا الامريكان بيقولو ان الانزيم الكبدى دا بيحول الافلاتوكسين من صورة AFB1
الى صورة اشد سمية اسمها (AFBO)
يعنى طلع انزيم لة فوايد وعيوب
عيوبة انة لما يكون عالى فى الكبد بيزيد شراسة السموم الفطرية وخاصة الافلاتوكسين
ومميزاتة انة بيعتبر اخر مرحلة لتكسير او تمثيل الادوية فى الكبد
طيب هل فية كلام تانى من بحث اخر لة علاقة بالانزيم دا
ايوة فية
بحث اخر اوربى بيقول ان مضاد الكوكسيديا الشهير الدايكلازوريل بردة بيثبط من عمل الانزيم دا
علشان كدا وجود الدوا فى فى العلف او فى المية بيزيد من فاعلية التيلوزين والدوكسى حتى لو اتخلطو معا
يعنى لو حاطط تيلوزين ودوكسى مع بعض والعلف فية الدايكلازوريل او حتى ضايفهم معاة
بيزيد فاعليتهم
طيب نرجع لموضوع الانرو او عيلتها كلها زى ما قال الصينين
هنلاقيهم بيقولو فى بحث اخر ان بسبب تاثير الانرو والسيبرو النورو على الانزيم الكبدى سيتوكروم P450 والعلف فية مضادات الكوكسيديا وخاصة الايونوفور بتعمل سمية للايونوفورات دى
وخير مثال منهم المونانسين
طيب دا الانزيم دا طلع بلوة
مفيش حاجة تهدى منة شوية علشان الادوية تتكسر وتخرج من الجسم زى ما اتعودنا
؟؟؟؟؟؟؟؟؟؟؟
فية
اول الحلول بحث صينى منشور فى مجلة امريكية بيقول ان السيلينيوم بيهدى من الانزيم دا شوية بالتالى بينصحو بان اى ادوية تعالج السموم لازم يكون فيها فيتامين هـ او سيلينيوم وخاصة السيلينيوم
لانة بيهبط عمل الانزيم دا ف مش بيحول الافلاتوكسين الى صورة اكثر سمية
طيب هل الاعشاب لها دور فى الموضوع
؟؟؟؟؟؟؟؟؟؟؟؟؟؟؟
بصراحة دورها كبير جدا جدا
بس البوست هيطول كدا وانا عارف انهم زهقتو
على العموم باختصار
الكركم اكثر معالج لموضوع الانزيم الكبدى دا
يعنى العلماء وجدو ان الكركم بيعالج سموم الافلاتوكسين بسبب تاثير على الانزيم الكبدى دا
كمان لو بتعالج باى من عائلة الفلوروكينولونز وخايف من فترة سحب الدوكسى او التيلوزين وعاوز تخرجهم من الجسم بسرعة
فخليط من الكركم مع السيلينيوم يعيد لانزيمات الكبد اتزانها
طيب نلطع بشوية ملاحظات
خلاصة ال5 ابحاث دى
اولا العلاج ب الانرو وعائلتة بيزود فاعلية الدوكسى وبردة بياخر من خروجة من الجسم بمدة 3 ايام زيادة يعنى بيخرج بعد 8 ايام بدل من 5
ثانيا االدايكلازوريل لة نفس التاثير على الدوكسى وعلى التيلوزين
ثالثا فية انزيم فى الكبد بزود السموم وبيجعلها اكثر شراسة
رابعا حل الانزيم دا هو الكركم والسيلينيوم
خامسا فى العمر الصغير الانزيم دا بيكون عالى الى عمر اسبوع بعد كدا بيقل
المصادر 5 ابحاث علمية من مختلف الدول
مع كتاب يوربيان فارماكولوجى
انا هلحق خلاصة احد الابحاث دى بالبوست تحت
انا اسف جدا على الاطالة بس حبيب الم بالموضوع من كل الجوانب
اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم

عن noha