نشرة اخبار التكنولوجيا - القيصر نيوز
الرئيسية / برامج تقنية / نشرة اخبار التكنولوجيا

نشرة اخبار التكنولوجيا

الحلقه الجديده من نشرة اخبار التكنولوجيا

اولا التكنولوجيا الخاصة بالفيس بوك
• فيسبوك تفعل امكانية انشاء الـ Stories فى الجروبات والايفينتات ومشاركتها مع المشاركين فى الجروبات والايفينتات تحت اشراف المسؤل عن الجروب او الايفين

• فيسبوك تعلن عن دمج الـ Stories بين الابلكيشن و الماسنجر ويتم عرضهم مره واحده وده لان فى ناس بتنزل الـ Story فى الاتنين ومبيتشافوش بنفس العدد

• فيسبوك يعلن عن ابلكيشن جدديد اسمهfacebook local وده الهدف منه انه يعرف كل واحد ايه المطاعم والكافيهات والشركات الموجوده حواليه وعلى فكره الابلكيشن ده الفيس اعلن عنه بعد الفشل الكبير لابلكيشن facebook events

• فيسبوك تتيح تحويل الاموال عن طريق ماسنجر في فرنسا والمملكة المتحدة بعد وجودها فى امريكا

• انستجرام تتيح إضافة الصور القديمة إلى الـ Stories ومبقتش الصور الموجوده اخر 24 ساعه بس

ثانيا التكنولوجيا الخاصة باليوتيورب

• يوتيوب اعلن انه هيوقف عرض الفيديوهات المقترحه فى فيديوهات المشتركين لان الاحصائيات بتأكد ان 1 من كل 20 بيضغط على الفيديوهات دى وده هيكون بداية من نص ديسمبر القادم

• يوتيوب يتيح جدولة البث المباشر للابلكيشن الخاص بيه على الاندرويد وكمان بيختبر امكانية تشغيل الفيديوهات فى الواجهه الرئيسيه تشغيل تلقائى من غير صوت لجذب اكبر للمشاهدات

• تطبيق يوتيوب للاطفال اسمه Youtube Kids فى اصداره 3.0 يتيح انشاء حساب خاص لكل طفل مع اختيار واجهة المستخدم الابلكيشن ده متوفر فى 37 دوله فى العالم

• الناس اللى معاهم ايفونوايباد وعندهم مشكله فى فتح ابلكيشن اليوتيوب .. يوتيوب بتوعد بحل مشكلة استهلاك البطارية للتطبيق على iOS11 وحل لسخونية الجهاز اثناء استخدامه

• سناب شات يعلن عن تغيير شكل التطبيق وممكن يكون فيه خاصه زى الـNews Feed

• تويتر يفعل التويتات ل 280 حرف

• نتائج البحث فى جوجل للهواتف الذكيه هيكون فيها مقارنة مواصفات الهواتف مع إبراز الاختلافات

• تختبر شركة جوجل تطبيق جديد يصنف تحت فئة تطبيقات إدارة مساحة التخزين الداخلية للجهاز، ويحمل التطبيق الجديد اسم Files Go، ويعتبر بمثابة مدير تخزين ذكي .. هيتم الاعلان عن استخدامه رسميا قريب جدا

• ض ( ضاد ) .. منصة عربية للكتب الصوتية فيها اكتر من 16 الف مشترك حاليا وهتكون متوفره فى خطوط الطيران السعودى من باب الترفيه على المسافرين من اول الشهر الحالى

التكنولوجيا والمحتوي العربي

• فى منصة جديده للمحتوى العربى اسمها استكتب
وده بتتيح العمل الحر لكل المهتمين بصناعة المحتوى النصي .. يعنى اى حد بيكتب محتوى يقدر يعرض خدماته عليه ويجيله شغل من خلاله
وده عن طريق ان اللى بيكتب محتوى بيكون اسمه جوه الموقع ( كاتب ) واصحاب الشغل اللى عايزين ناس تكتبلهم محتوى اسمهم ( مستكتب )
الشغل على الموقع بيكون يا اما ان اللى بيكتب محتوى بيعرض خدماته او صاحب الشغل بيطرح مشروعه بشروط واليات معينه والناس تقدم وهو يختار الانسب بالسباله
المميز جدا فى الموقع ده انه بيتيح تقديم خدمات متنوعه كتير فى المحتوى العربى زى
الترجمة والكتابة الإبداعية والتأليف والمقالات والمراجعات والأبحاث والدراسات، إلى خدمات التدقيق والاستشارات بالإضافة إلى الخدمات التكميلية للمحتوى النصي زى الطباعة والنشر الورقي والالكتروني.
الخدمات فى الموقع بتبدأ بـ 20 دولار
وكمان فيه محرك بحث بساعد فى ان كل واحد يوصل للى هو عايزه بسهوله
بالنسبه للمعاملات الماديه هتكون عن طريق الدفع من خلال التحويلات البنكية وخدمة كاش يو حاليا وقريب هيبقى متاح باقى وسائل الدفع

مايكروسوفت و التكنولوجيا

• مايكروسوفت اعلنت عن انشاء استوديوهين فى امريكا لتعليم صناعة المحتوى الافتراضى ودى هتبقى نقله كبيره لكل المهتميين بالمجال ده وازاى يقدروا يصنعوا النوع ده من المحتوى

الصين و التكنولوجيا

• الصين تعلن عن بناء مركز شرطه بالذكاء الصناعى
ودى خطوه جديد لنشر فكر الذكاء الصناعى فى العالم وتم تصميم المركز الجديد لخدمة المسائل المتعلقة برخص القيادة والسيارات هيكون شبه إدارة السيارات أكثر من كونه مركز للشرطة والهوية الشخصيه اللى هيتم التعامل بيها مع الجمهور عن طريق التعرف على الوجه
مع خالص تحياتى
محمد عبد الفتاح

عن memy noaman

اترك تعليقاً

لن يتم نشر عنوان بريدك الإلكتروني.