علاج الدواجن بالأعشاب لتقليل نسبة الدواء ال 25% او عند الضرورة - القيصر نيوز
الرئيسية / الإنتاج الزراعي والحيواني / بورصة الدواجن / علاج الدواجن بالأعشاب لتقليل نسبة الدواء ال 25% او عند الضرورة

علاج الدواجن بالأعشاب لتقليل نسبة الدواء ال 25% او عند الضرورة

استكمال لمبدا انتاج دواجن خالية من الادوية وتغير طعم وسمعة الدواجن لدى المستهلك ولتقليل استعمال الادوية على ان يكون اعشاب 75% وادوية 25% فقط واستعمال الادوية عند الضرورة او على حسب الحاجة فقط هنوصى بتركيبة عشبية للمربى البسيط فى العدد من 10 طيور الى 2000 طير .

علاج الدواجن بالأعشاب الخلطة مكونة من لحاء الكافور مع لحاء الصفصاف الاول فية مواد مضادة للفيروسات والتانى مصدر اساسى للاسبرين او سالسيلك اسيد والصبار والثوم حيث ان الاول رافع مناعة من الدرجة الاولى وبيزود تتر اى تحصينة والتانى محتوى على مضادات حيوية كتيرة جدا والاتنين معا بيقوو بعض ضد الكوكسيديا و بذور شوكة الجمل مع العرقسوس

 

حيث الاول مصدر السليمارين الاول يعنى كبد نظيف وسموم اقل والتانى ملطف للخلايا فى وقت الاحتباس الحرارى وفية مواد مضادة للفيروسات ومعمول علية 3 ابحاث لعلاج فيرس التهاب الكبدى فى البط وايضا مضاد سموم وبعد ما عرفنا فايدة كل افراد التركيبة هنعمل منهم برنامج عشبى طول الدورة
للحماية او تقليل من مخاطر الفيروسات الحد من الامراض البكتيرية تحسين الكبد وتقليل السموم اقل عدد ممكن من بويضات الكوكسيديا او ما يسمى الاوؤسيت يعنى تركيبة شاملة.

 

وبما اننا عملنا استطلاع راى وعرفنا ان 77% من المربين شغالين علف جاهز وعاوزين الخلطة فى المية فاحنا هنشغلها فى المية على النحو التالى
200 جرام لحاء كافور مع مثلهم من لحاء الصفصاف يتم غليهم على نار هادية لمدة 10 دقائق لان المواد الفعالة المطلوبة لا تخرج بسهولة على 2.5 لتر ماء هيصفى على 2 لتر ماء فقط بعد الغلى يتم الاحتفاظ بالمخلوط دا وهنسمية مخلوط 1 الصبار هنجيب البودرة من عند العطاء مش جل الصبار خلينا فى البودرة ،

 

400 جرام صبار بودرة مع 500 جرام ثوم طبيعى مش بودرة دول هيتعملو عصير على البارد يعنى هيضافو مع بعض فى الخلاط وهنضيف عليهم 2 لتر مية
ويتم تصفية العصير وهنسمى العصير محلول 2 شوكة الجمل 400 جرام مع 500 جرام عرقسوس ودول مش هيتعرضو للغلى لان فيهم مواد فعالة بتتكسر
هنغلى 4 لتر مية وننقع فيهم الصبار والعرقسوس لمدة ربع ساعة من تغطية الاناء جيدا وهتصفى على تقريبا 3 لتر مية بعد النقع والتخلص من شوائب الاعشاب وهنسمية محلول 3

 

طريقة العمل لكل 100 لتر ماء هنحط عليهم 1 لتر من محلول 1 مع 1.5 لتر من محلول 2مع 2 لتر من محلول 3وهننزلهم للفراخ من بعد انتهاء جرعة الاستقبال حتى قبل البيع ب 4 ايام بواقى الاعشاب بعد الغلى او الخلط يتم رشها على العلف  هنعمل سقوتين يوميا مرة فى النهار واخرى فى الليل
كل يوم بحث السقوة تجلس قدام الفراخ 4 الى 6 ساعات فقط والباقى ماء عادى هتسالنى يا مهندس عاطف هنعرف استهلاكى فى المية اليومى ازاى علشان اقدر احسب جرعة 6 ساعات.

 

هقول خد المعادلة الحصرية الخاصة بالمهندس عاطف عبد الدايم دى العدد بالاف ضرب العمر باليوم ضرب 11.3 يعطيك هتسقى كم لتر فى اليوم يعنى مثلا عدد 500 طير عمر 12 يوم هيشرب مية  0.5 ( لانة نص الف ) ضرب 12 ضرب 11.3 = 70 لتر مية بعد ما تعرف بتسقى كم لتر فى اليوم هتقسم المية على 4 هيكون سقوة ال6 ساعات تكملة البرنامج عبارة عن تحصيناتك العادية مع جرعة استقبال مضاد حيويى فقط على حسب اختبار الحساسية
مش هتعالج اى حاجة الا لو حصل مشكلة مرضية.

 

لو الاعشاب مش مغشوشة وطبقت الطريقة الموجودة فى البوست من تركيزات وطول مدة الاضافة بامر الله مش هتعالج الا فى اضيق الظروف لو الرعاية عندك سيئة سواء امونيا او رطوبة فرشة او تهوية او احتباس حرارى اعتقد انك بتقضى على فاعلية التركيبة يعنى لازم رعاية جيدة  لازم لازم حاول تنزل سقوة للوزن كل اسبوع 3 مرات  كل مرة تجلس فقط 8 ساعات 5 جرام عسل اسود تتكون من حلبة 2 جرام مطحون انزيمات بيطرى 2 جرام حمض امينى اسمة تربتوفان نص جرام كل دا على لتر مية يعنى سقوة الوزن يوم بعد يوم  الاعشاب لازم كل يوم.

علاج الدواجن بالأعشاب لتقليل نسبة الدواء ال 25% او عند الضرورة

اما اخوانا اللى شغالين علف مش جاهز وبيعملو علفهم بنفسهم بالامر بسيط جدا هتجيب 2 ك لحاء كافور ومثلهم صفصاف مع 5 كيلو ثوم مع 4 عرسوس
مع 3 ك بذور شوكة الجمل مع 3 ك صبار لكل طن علف من عمر 5 ايام حتى اخر الدورة.

 

استكمالا لمبدا انتاج دواجن صحية خالية من الادوية وتغير سمعة الدواجن عن المستهلك وارضاء ربنا وضمائرنا علشان ناكل الناس حاجة نظيفة هنعمل تركيبة مجربة للدجاج البياض
فايدة التركيبة العشبية اولا زيادة الانتاج .

 

جيث وجد ان الطيور اللى اكلت التركيبة بعد مرور 14 الى 21 يوم فية بويضات زيادة فى سلسلة البيض متدرجة الاحجام بعكس الطيور اللى لم تاكل التركيبة كانت بويضات سلسة البيض اقل من اهم الفوايد اقلال البيض من الكولسترول يعنى بيص صحى  وتم بالفعل قياس الكولسترول بعد 22 يوم من الشغل بالتركيبة  طعم البيض اجود مناعة وقشرة بيض ومواصفات جيدة.

يعنى تركيبة كلها خير تصلح للمربى المنزلى وتصلح للمشروع التجارى التركيبة عبارة عن
2 كيلو مرامية
3 ك بردقوش
2 كيلو كسبرة
3 ك كركم
1 ك بذور كتان
نص كيلو ملح طعام
لكل طن علف
النتيجة بعد 14 يوم الى 21 يوم على حسب جسم الطير عندك
لو عاوز تضيف حاجة للتركيبة تزود لون وطعم صفار مرغوب عند المستهلك وايضا صحى
هتقوم بفرم برسيم حجازى بمعدل 3 كيلو فقط اخلطهم على علفة الصبح بحيث تجلس فقط 4 ساعات
مرة واحدة فقط كل يوم
وتاثير البروسيم الحجازى هتلاقية بعد 6 ايام من الاضافة
الخلطة علمية مجربة
شروط انك تاخد نتيجة من الاعشاب دى هى الطحن الجيد
والتوزيع الجيد على العلف
واهم الشروط الا يكون العشب مغشوش

 

لا تنسى حق الفقير من الدورة يعنى اعمل حسبة ان اللى ربنا هيقللة معاك فى النافق الطبيعى طلعة للفقراء القرية او البلد عندك الصدقة لها مفعول السحر فى نجاح مشروعك دعوة من مسكين او فقير فى الغلاء دى قادرة انها تعمل معجزات وبركات لا حصر لها اتمسك فى طاعة ربنا باى طريقة وافضل طريقة هى حق المسكين  اللهم اجعل عملنا هذا خالص لوجهك الكريم
مع تحياتى وشكرا
مهندس عاطف عبد الدايم

عن memy noaman